Hoxe quero compartir con vós unha muiñeira titulada “Finiña dos meus amores“, do compositor Emilio Rey, moi presente no repertorio tanto de “Os Montes“, de Lugo, como no de “Os irmáns Garceiras” de Melide, aunque con certas variacións, tentando con esta publicación alonxar as dúbidas existentes tanto no título como na execución da mesma.
Animádevos con ela e a disfrutala.
Primeira voz
Segunda voz
Dúo
Hoxe quero compartir con vós outra peza do repertorio do Gaiteiro da Bretoña, Daniel Méndez Coroas, “Daniel do Roxo”. Nesta ocasión trátase dunha muiñeira de dúas partes, sinxela e ben fermosa titulada Muiñeira da Bretoña.
Animádevos con ela e a disfrutala.
Primeira voz
Segunda voz
Dúo
Hoxe quero compartir con vós outra peza miña… é o que ten estar tanto tempo encerrado na casa.
Nesta ocasión trátase dunha muiñeira de tres partes e está adicada ás miñas primas e primo de Ferrol.
Animádevos con ela e a disfrutala.
Primeira voz
Segunda voz
Dúo
Hoxe quero compartir con vós unha peza do gaiteiro e percusionista coruñés Luis García Corral. Trátase dunha muiñeira ben fermosa e “exotica”, tanto polo título -Um ghaiteiro em Moçambique- como polo lugar de composición: Tete, en Moçambique no ano 2004, e que está adicada polo autor in memoriam do seu tío misioneiro Luis García Castro.
Luis García Corral, nado en A Coruña no ano 1977, inicia a súa formación musical ós oito anos no Conservatorio Superior de Música de A Coruña, cursando estudios de clarinete.
De 1995 a 2008 é tenor 1º na Coral Polifónica “Follas Novas” da Coruña, actuando como solista nalgunha ocasión. De 1995 a 1999 exerce como monitor de coro no Colexio Público “María Barbeito” de A Coruña.. Deste proxecto xurde a Coral Municipal Infantil, que acompaña instrumentalmente nalgunha ocasión.
Adéntrase na música tradicional galega asistindo durante varios anos a clases de gaita na Asociación Xuvenil “Xacarandaina” e a clases de pandeireta na A.X.C. “Arestora”.
Cabe resaltar a súa inquietude pola percusión tradicional galega de maneira autodidacta: bombo, bombo con pratos, tamboril, etc. e pola doutras culturas: djembe, darbouka, batuqui, hang-drum, etc.
Tamén colabora en diversas gravacións discográficas locais.
Dende 2002 ata a actualidade é membro – fundador do grupo folc coruñés Tiruleque, co que percorre a xeografía galega, nacional e internacional, participando, por exemplo no Festival do Mundo Celta de Ortigueira; Pardiñas; Beltaine-Avilés Intercélticu ou o Intercéltico de Lorient.
Tamén formou parte de grupos de diferentes estilos musicais como “Acorralados”, “Arume”, “Lumieira”, “Xirtam” ou “Landrú”.
Asimesmo, posúe grande experiencia en actuacións en directo, encontros, festivais, certames e concursos de música coas formacións nas que tomou e toma parte.
Animádevos con ela e a disfrutala.
Um ghaiteiro em Moçambique – RE
Um ghaiteiro em Moçambique – DO
Primeira voz
Segunda voz
Dúo
Podes escoitala interpretada polo propio autor neste enlace.
Hoxe quero compartir con vós unha peza dun bo amigo meu: Xulio Adolfo Anta Díaz. Trátase da Muiñeira de Palavea, unha fermosa e sinxela peza composta por él que leva por título o nome dun dos barrios da cidade da Coruña.
Fillo e neto de músicos, Xulio Adolfo Anta Díaz nacéu en Bos Aires, onde seu pai, Julio Anta Ferrara, dirixía varios coros como Brétemas e Raiolas, Coro do Centro Coruñés, Coro do Centro Pontevedrés e o Coro de Residentes de Vigo. Xulio xa formaba parella infantil coa súa irmá dende os cinco anos, tanto bailando como recitando distintas estampas galegas
Trasladada a súa familia a A Coruña en 1968, formou parte de diversos grupos de distintos estilos, cantando e tocando diferentes instrumentos, tanto de corda como de vento e percusión.
Foi membro da Coral Polifónica El Eco entre 1974 e 1978, ano no que Xulio pasou a formar parte de Cántigas da Terra ata 1995. Nesta coral, que dirixira seu abó, Adolfo Anta Seoane, durante moitos anos, e na que se coñeceron os sus país sendo nenos, cantaba indistintamente nas cordas de tenor primeiro e tenor segundo, botando unha man incluso na corda de barítonos cando as circunstancias o requerían. É en Cántigas foi onde comezou a tocar a gaita da man de Ricardo Santos, chegando a ser un dos gaiteiros titulares do coro.
Animádevos con ela e a disfrutala.
Primeira voz
Segunda voz
Dúo
Pezas para Gaita Galega 