Hoxe quero compartir con vós unha muiñeira do músico, compositor e director de banda e coro, Rosendo Mato Hermida (Vilalba, 1914 – Santiago, 1994). Foi o Director da Banda de Arca, unha das de mais sona de Galiza durante nada menos que vinte anos, compaxinando a súa dirección ca dirección do coro Cantigas e Agarimos, de Santiago, ata o ano 1970 no que asume a dirección do Coro de maneira permanente tras deixar o seu cargo na Banda de Arca. Entre  as súas obras mais destacadas compre suliñar “Lela”, composta polo maestro Mato Hermida para musicar unha escea de “Os vellos non deben namorarse” de Castelao, estreada polo Grupo de Teatro Galego de Cantigas e Agarimos, por primeira vez en Europa -o seu estreno mundial foi en Bos Aires no ano 1941- o 25 de xullo de 1961 en Santiago.

Rosendo Mato Hermida  compuxo esta fermosa muiñeira de título “Loliña” para se-la peza obrigatoria no Concurso Rexional de Gaitas celebrado en Santiago no ano 1970.

Animádevos con ela e a disfrutala.

Loliña – RE

Loliña – DO